SFR kýs rafrænt um sameiningu

Stéttarfélag í almannaþjónustu framkvæmdi alsherjaratkvæðagreiðslu á meðal félagsmanna í nóvember 2018. Þar var tekin afstaða til sameiningar félagsins við StRv. – Starfsmannafélag Reykjavíkurborgar.

Kosningakerfi Könnuðar tengt beint við félagakerfi SFR

Ákveðið var að halda rafræna atkvæðagreiðslu, en framkvæmd hennar fór í gegnum „Mínar síður“ félagsmanna SFR en hver félagi á sínar upplýsingar á tiltekinni síðu í félagakerfum SFR. Könnuður sá um framkvæmd kosninganna í samvinnu við starfsfólk SFR. Sérstök tengigátt var smíðuð þannig að innskráning með rafrænum skilríkjum inn í Mínar síður veitti einnig aðgang að upplýsingum um kosninguna og að kjörseðli viðkomandi félagsmanns sem gat þar með nýtt atkvæðisrétt sinn.  

Framkvæmdin gekk vel en félagsmenn gátu áfram skilað inn atkvæði sínu með hefðbundnum hætti og eftir að kosningu lauk voru atkvæði þeirra slegin inn skv. skilgreindum ferlum sem bæði starfsmaður Könnuðar og fulltrúar kjörstjórnar tóku þátt í.

Þetta er í fyrsta skiptið sem rafrænt kosningakerfi Könnuðar er tengt innskráningarferlum annars kerfis en kostir við það eru að þar eru félagsmenn í kunnuglegu umhverfi þegar að kosningu kemur en kosningakerfið er þó alveg óháð félagakerfinu og greining persónuupplýsinga ekki mögleg frekar en í öðrum nafnlausum kosningum framkvæmdum af Könnuði.

Leave a Reply

Your email address will not be published.